Булган сумын ИТХ-ын даргын баталсан удирдамж, хөтөлбөрийн дагуу 2026 оны 9 дүгээр сарын 30-ны өдөр сумын өвөлжилтийн бэлтгэл ажил болон орон нутагт хэрэгжиж буй бүтээн байгуулалт, төсөл арга хэмжээнүүдийн явцтай газар дээр нь танилцаж, хяналт шалгалт хийлээ. Үүнд:
Өвөлжилтийн бэлтгэл ажил: Засаг даргын орлогч Э.Энхсайхан хороодын гишүүдэд өвөлжилтийн бэлтгэл ажлын мэдээллийг өглөө. Гэрэлтүүлгийн болон дэд бүтцийн төслүүд: Далт, Бүрэнхайрхан, Баянсудал багуудад тавигдаж байгаа гэрэлтүүлгийн ажлын явцтай танилцлаа. (төсөвт өртөг 131.6 сая төгрөг) Мөн Далт багийн Буурлын хар, Үертийн чиглэлийн усны эхний хаалт хийж байгаа үйл ажиллагаатай танилцав. (төсөвт өртөг 31.4 сая төгрөг) Баянсудал багт баригдсан сурагчдын дотуур байрны барилгын үйл ажиллагаатай танилцаж мэдээлэл солилцож ажиллав. (Төсөвт өртөг иргэдийн хандив 680 сая төгрөг) Нийтийн халуун усны төсөл: Төслийн ажил удаашралтай байгаа тул гарч буй зөрчлийг арилгаж хугацаандаа ажлаа хийх талаар чиглэл өглөө. (төсөвт өртөг 266.7 сая төгрөг).
Хяналт шалгалтын үеэр илэрсэн зарим зөрчлийг арилгах, дүгнэлт гаргаж холбогдох албан тушаалтнуудад хүргүүлэн ажиллалаа.
