Аймгийн ИТХ-аас “Сумын ИТХ болон багийн ИНХ-ын үйл ажиллагааг үнэлж, мэргэжил арга зүйн зөвлөгөө өгөх журам”-ыг Нутгийн өөрөө удирдах байгууллагын үйл ажиллагааг бэхжүүлэх, хяналт тавих, олон нийтэд нээлттэй хүргэх зорилготойгоор 03 дугаар сарын 24-ний өдрийн Тэргүүлэгчдийн хуралдааны 27 дугаар тогтоолоор батласан.
Батлагдсан журмын дагуу Ховд аймгийн ИТХ-аас томилогдсон Нарийн бичгийн дарга Б.Сандагсүрэнгээр ахлуулсан Үнэлгээний ажлын хэсэг Булган суманд 2017 оны 04 дүгээр сарын 16-ны өдөр ажиллалаа.
Энэ сарын 16-ны өдөр тус ажлын хэсэг Булган сумын ИТХ-ын үйл ажиллагааны явц, бодлогын зорилтын хэрэгжилтийн явцад дүн шинжилгээ хийж, цаашид анхаарах асуудлаар мэргэжил арга зүйн зөвлөгөө өгч ажилласан юм.