Адууны дээд өвөг Тахийг онгон талд нь нутагшуулах талаар Чех улсын Парагийн амьтны хүрээлэнгийн хамт олон санаачлан 2010 оноос хойш 8 удаагийн тээвэрлэлтээр 28 тахь Монгол улсад авчирсан бөгөөд өнөөдрийн байдлаар Говь-Алтай аймгийн Бугат сумын нутагт орших Тахийн талд нутагшин 200 гаруй болж өсөж үржсэн байна. Энэ удаагийн тээвэрлэлтээр Hanni, Yanji,Spes,Helmi нэртэй 4 гүү ирж, Чех улсаас Монгол улсад суугаа онц бөгөөд бүрэн эрхэт элчин сайд Ийржий Вродскийгийн урилгаар хэзээ ч мартагдахааргүй сайхан үйл явдал болов.