Хөдөлмөрийн гавъяаны улаан тугийн одонт, Алтан гадас одонт, Улсын тэргүүний Булган сумын түүхт 90 жилийн ойг угтаж стадионыг иргэд, аж ахуй нэгж, байгууллага, төгсөгчдийн 260.0 сая төгрөгийн хандивиар Т.Баярсайхан захиралтай  "Хатан түнгэл"  ХХК  засварлаж хүлээлгэн өгөв.

Мөн сум орон нутгийн эдийн засаг, нийгмийн хөгжилд үнэтэй хувь нэмэр оруулсан үе үеийн ахмад буурлуудаа шагнаж урамшууллаа. 

Уг хүндэтгэлийн арга хэмжээнд Улсын Их Хурлын гишүүн Ш.Адъша, түүний зөвлөх Р.Мөнхтогтох, Аймгийн ИТХ-ын нарийн бичгийн дарга Б.Сандагсүрэн, аймгийн Засаг даргын орлогч Т.Дэлгэрсайхан нар хүрэлцэн ирж оролцов.

Төрийн одон медалиар шагнагдсан нийт ахмад буурлууддаа Булганчуудынхаа нэрийн өмнөөс  эрүүл энх, саруул сайхныг хүсэн ерөөе.